Բրենդա Էնն Սփենսեր
| Բրենդա Էնն Սփենսեր | |
|---|---|
 | |
| Ի ծնե անուն | Բրենդա Էնն Սփենսեր |
| Ծննդյան ամսաթիվ | 1962 թվականի ապրիլի 3 |
| Ծննդավայր |  ԱՄՆ, Սան Դիեգո շրջան (Կալիֆոռնիա) |
| Քաղաքացիություն | ԱՄՆ |
| Պատիժ | ցմահ ազատազրկում՝ 20 տարի անց ներում խնդրելու իրավունքով |
| Սպանություն | |
| Զոհերի թիվ | 2 |
| Վիրավորների թիվ | 9 |
| Սպանության շրջան | Սան Դիեգո շրջան (Կալիֆոռնիա) |
| Սպանության եղանակ | հրաձգութուն |
| Զենք | 22 տրամաչափի ինքնաձիգ |
| Դրդապատճառ | Ինձ դուր չեն գալիս երկուշաբթիները (անգլ.՝ I Don’t Like Mondays) |
Բրենդա Էնն Սփենսեր (անգլ.՝ Brenda Ann Spencer, ապրիլի 3, 1962, Սան Դիեգո, Կալիֆոռնիա, ԱՄՆ), ամերիկուհի մարդասպան, ով կրակ է բացել Սան Դիեգոյում (Կալիֆոռնիա) գտնվող Քլիվլենդի հիմնական դպրոցի աշակերտների վրա։
Մանկություն
[խմբագրել | խմբագրել կոդը]Դեռևս մանուկ հասակից Բրենդան հետաքրքվել է զենքերով և բռնությունների մասին պատմություններով։ 1978 թվականի Սուրբ Ծննդին հայրը նրան նվիրում է 22 տրամաչափի ինքնաձիգ՝ օպտիկական նշանակետով և 500 փամփուշտներով։ Հարևանների խոսքերով՝ Բրենդան փոքրիկ գողություններ էր կատարում, հետաքրքրվում թմրանյութերով և փախչում դասերից։ Համադասարանցիները հիշում էին, որ հրաձգությունից մեկ շաբաթ առաջ Բրենդան նրանց ասել է, որ ուզում է այնպիսի մի մեծ բան, որ հայտնվի հեռուստատեսությունում։
Հրաձգություն
[խմբագրել | խմբագրել կոդը]1979 թվականի հունվարի 29-ին տասնվեցամյա Բրենդան իր տան պատուհանից երեսունվեց կրակոց է արձակել դպրոցի մոտ կանգնած երեխաների վրա։ Երեխաներից ութը և մեկ ոստիկան վիրավորվել էին։ Մեծահասակներից երկուսը մահացել էին (Բարթոն Ռեգգը և Մայքլ Շուարը)՝ փորձելով փրկել դպրոցականներին։ Դրանից հետո Բրենդան շրջափակվեց տանը և շուրջ յոթ ժամ դուրս չեկավ։ Ի վերջո նա հանձնվեց։ Երբ նրան հարցրել էին՝ ինչու է արել այդպիսի բան, պատասխանել է. «Ինձ դուր չեն գալիս երկուշաբթիները (անգլ.՝ I Don’t Like Mondays)»: Սենյակի զննումից հետո ոստիկանությունը գտավ միայն գարեջրի ու վիսկիի դատարկ շշեր, սակայն, իրենց խոսքերով, Սփենսերը հրաձգության ժամանակ արկոհոլի ազդեցության տակ չէր։
Ես պարզապես սկսեցի կրակել, ահա և վերջ։ Ես դա արել եմ ուղղակի, հաճույքի համար։ Պարզապես ես չեմ սիրում երկուշաբթիները։ Իսկ այդպես գոնե ինչ-որ զբաղմունք կլիներ։ Ոչ ոք չի սիրում երկուշաբթիները[1][2] :
Բնօրինակ տեքստ (անգլ.)I just started shooting, that's it. I just did it for the fun of it. I just don't like Mondays. I just did it because it's a way to cheer the day up. Nobody likes Mondays..
Դատավճիռ
[խմբագրել | խմբագրել կոդը]Ծանր հանցագործության համար տասնվեցամյա Բրենդային դատեցին ինչպես մեծահասակի։ Նա իրեն մեղավոր է ճանաչել երկու սպանության և զինված հարձակման համար՝ ստանալով ցմահ ազատազրկում և 20 տարի անց ներում խնդրելու իրավունք։ Չորս անգամ մերժել են նրա՝ պայմանական ազատման խնդրանքը։ Հաջորդ անգամ նա կարող է դիմել 2019 թվականին։
Հետաքրքիր փաստեր
[խմբագրել | խմբագրել կոդը]- 1993 թվականին Սփենսերը պնդում էր, որ եղել է թմրանյութի և ալկոհոլի ազդեցության տակ, իսկ 2001-ին ասել է, որ հոր կողմից ենթարկել է ընտանեկան բռնության. նա ծեծել է աղջկան և բռնություն կիրառել։ Սակայն այս տարբերակները դժվար թե կարելի է ճիշտ համարել
- Իռլանդական «The Boomtown Rats» խումբը գրել է «I Don’t Like Mondays» երգը
Ծանոթագրություններ
[խմբագրել | խմբագրել կոդը]- ↑ «I Don't Like Mondays» (անգլերեն) — www.songfacts.com. Արխիվացված օրիգինալից 2012 թ․ ապրիլի 22-ին. Վերցված է 2009 թ․ դեկտեմբերի 14-ին.
- ↑ Существуют другие версии её высказывания («…Because mondays are always so boring» и др)
Արտաքին հղումներ
[խմբագրել | խմբագրել կոդը]- «Several articles from San Diego Union Tribune». Արխիվացված է օրիգինալից 2012 թ․ փետրվարի 14-ին. Վերցված է 2016 թ․ նոյեմբերի 15-ին.
- I Don’t Like Mondays, from Internet Movie Database
- The Killing of America, from Internet Movie Database